31.12.09

不捨得掉但無用的東西

跟朋友一起好快樂啊!!!
全晚說過不停
(在公司裡我是自閉的,密密做不說話...)
許多時候跟朋友一起
回到家就會聲沙(!!!)


是夜到太子文記吃飯
很方便,D出口轉右行三步就可以了
我不會寫食評
只懂說好食和不好食而己
想講的只是當晚壓軸hea爆交換禮物環節
搞手前一晚己說好要大家預備一份”不捨得掉但無用的東西”
大忙人如我,當然將此等閒事忘記得一乾二淨啦
雖然我是人渣,但總會遵守遊戲規則
唯有從銀包的廢紙堆裡拿出一張又一張的coupons當大獎!

有什麼呢,包括:

1.McDonald $19孖芝餐
2.三張$2沙嘇王
3.兩張慈善券內的hea爆coupons(即是,到中原電器買了一千,才有五十回贈那些)
4.兩張UA電影卷$35(這是大半年前同事email給我,要自行print出來那些,但我一直懷疑可行程度,所以遲遲未用)
5.一塊膠布(怕被高跟鞋弄傷以防萬一之用)

更人渣的是,這些coupons的有效日期都是明天!!
那我就提出許多建議
例如早餐可以用慈善券內的$1美心券買麵包,午餐可以光顧McDonald,到了晚上還可以到沙嘇王用膳。
真心覺得自己是朋友著想的
但除了不停唾罵我之外,就別無他法了
有著我這個朋友,你們真有福^__^






(ps, 那隻什麼0歷咕0歷咕vcd是由另一位人渣送出的,唔關我事)


28.12.09

一夜的發洩

哎,其實我有很多話想說
但近來忙不過來
唯有極速為自己記下近來的一二事

.期待而久的last day來臨,感覺如此不真實,這個感想一大堆,是後話了

.我日文肥左呀!!!!!!頂你個肺!!!!!全班得我一個要補考!!!!!!!!!媽的!!!!!!今日肥,聽日補考!!!!但而家己經晚上十一時四十五分!!!我一頁紙都無掀過啊!!!

.還有freelance要趕呀!!!!!!!!!!!!!!!!!!!

.如此趕時間的日子,等巴士等左差唔多半個鐘啊!!!!仲要有搭巴士飛站!!!!

.好多"!!!!",係咪好感受到我的不安和焦急?

好,發洩完
乖乖的先做好半個freelance再讀半個小時日文然後去睡覺

all about women #2


那條紗裙愈畫愈醜...
芭蕾舞很優雅
但要一個在辦公室內都要將雙腳平放上harddisk的人來說...
還是收皮了

26.12.09

all about women #1


線太亂、太細碎

時間己經浪費得太多
希望可以維持


繼續胡桃


上回說到我狠了二萬個世紀的胡桃夾子
究竟,我有沒有失望而回呢?

...
..





是無的!(是咁的既朋友)
我全程都看得很興奮
還到場外拖著老鼠王的手拍照
看到聖誕樹變大的那一幕我差點想尖叫!!
可惜場內不得喧嘩...

完場之後
我嚷著說要學ballet
男友白了我一眼
但我死不罷休
「我覺得好優雅喎!!我覺得好有儀態好靚呀!!佢地好似無腳指咁呀!!」
「你去學盞侮辱左人地啲野」
「......................................我可唔可以推你出馬路?」

23.12.09

december is for nutcracker




買了票24號那天看胡桃夾子
呵呵呵,心情一直都很興奮唷
要知道我是狠了好幾年!!
事源某年中學同學說了一句
「我覺得聖誕節一定要睇胡桃夾子架喎」
之後敷淺的我將此銘記在心
童心就此起,認為言之有理

今年終於得償所願
不用問我懂不懂芭蕾舞
不用問為我為什麼聖誕節就要看胡桃夾子
也不會理會傳說會睡至完場
只知道現在的我期待萬分
總算是實現了一個多年來的願望啊

人生有太多事不能如願
所以無論多細微的事都要感恩

21.12.09

女人的大話

1. 我好凍呀...
(當十幾度著住六件衫再加多件大褸時)

2. 好凍咩? 唔覺喎~
(當十幾度著住迷你短裙高跟鞋時)

3. 我都唔化妝既
(但你隻眼閃架喎...)

4. 嗚嗚...無錢...
(呢個戶口真係無錢,但嗰個戶口好多錢)

5. 我今季一件衫都無買過呀!!!!!!
(但己買了三對boots、兩件褸、兩條裙同一條褲)

6. 你咁攰,今晚唔洗接我喇
(唔接的話,你死硬)

20.12.09

小朋友的戀愛態度

這次出場的有小朋友V小朋友J

小朋友V其實好靚仔的,是Edison的迷你版
沒有誇張,讀國際小學的他一口流利英語
他問我有沒有看過Twilight,我竟然以為他問我有沒有看Toilet
他說了第二次,我才知道是Twilight
(真係死唔死…)
見佢咁靚仔,我忍不住問
“其實你有無女朋友仔呀?”
“有呀,五個囉。”
“哇!五個咁多!!!!”
之後另一位大哥哥走過來又問
“咩話?幾多個話?”
“三十五個囉。”
“做咩啦啦變左三十五個………………”
小朋友V很不羈的說了一句
“我喺學校好cool架,咁啲女仔咪…囉”
他完全不臉紅的說出這一番狂言
我忍不住大笑出來
你說啦,他是不是很Edison

話題繼續申延到小朋友J
小朋友J呢,是一個五歲的小男孩
可是他喜歡的是粉紅色,畫的都是長頭髮女孩和仙女
還會她們加上手袋耳環和頸鏈
他的確是少了一點男子氣慨
於是我問他
“咁你又有無女朋友呀?”
小朋友J還未趕得上答覆,他的九歲姐姐己經大叫:

“我上次見到佢小息嗰陣時拖住兩個女仔由班房走落操場呀!!!”

哈哈,真係唔該晒家姐既獨家猛料
忽然被人大踢爆,小朋友J臉仔馬上紅卜卜
連忙說東說西的拿出藉口來,“咁…咩咩……呀嘛..咁….哎呀!!!!”
然後,他憫憎
可是我哈哈的笑過不停

我呢,真的很喜歡這裡啊
跟小朋友聊天很快樂
可是,因為新工作關係
之後很難再見到他們了

18.12.09

這麼遠,那麼近

心情有點複雜
該從那裡開始說起好呢..

嗯,是facebook吧
原來除了什麼”哦?原來你都跟他認識呀?”
什麼舊情人現在的幸福快樂
我們還會知道一個人的"生死"

那個人
是我朋友的妹妹
我不懂她,當然她也不會知道我是誰
但曾經也聽說過她的一二
亦不明白為何一直對她有深刻印象
這麼遠,那麼近
知道的一刻除了震驚就不懂作任何反應
更何況是她的家人、朋友...
我一個外人如此,都不安了一整個晚上...

究竟什麼驅使到她要走上這一步
要怎麼才會走到如此絶望
從前也說過小時候的我活得不快樂
差一點點都會走上這一條路
幸好人大了,想法都隨之改變
但回想過來,亦不會覺得這是少不更事
又或者什麼一時衝動
只是,撐不住了

感受,永遠只有自己知道


願,身邊所以人安好

16.12.09

喵喵神探。charlie。日和

我真係好歡喜看一些無聊爆的youtube
無厘頭,完全沒有意義那些呢
這個喵喵神探
絶對夠低能



睇完呢個喵喵喵
我想起了charlie...
成段片就係不停高八度咁"charlie~~charlie~~~charlie~~"



但說起youtube的無里頭始祖
就一定是"日和系列"
無。得。頂。
係無可能可以忍到笑的

14.12.09

四個六。

:: 此乃真人真事 ::

一大班朋友在酒吧飲得你死我活
完場時份A君迷迷糊糊的在路邊留下了好一大灘嘔吐物
好喇,B君衝當好人仕者
搭著醉醺醺的A君膊頭,齊齊步入seven買支水沖沖喉嚨
他們拿起支裝水腳步浮浮的走到收銀處

收銀員對這些場片見怪不怪
來來去去的都是一堆醉酒佬
機械式的做著同一個動作和說話
「嘟」「多謝你四個六。」


A君憤怒的大喊
「我屌你呀!!四個六??我大你,十五個六!!!!!」

8.12.09

魚眼和雞冠

同事在越南買了手信回來
有棷子糖、香蕉乾、大樹波羅乾等等
我拿著大樹波羅乾咬咬咬
問同事:喂,食唔食?
同事說:我麻麻鐘意大樹波羅陣味
然後就展開了偏食問題

「我真係咩都食,成條金魚咁」
「咁榴槤呢?」
「食!」
「by the way, 金魚只係唔知飽,但唔代表咩都食...
咁洋蔥呢?」
「食!」
「咁蔥呢?」
「食!要多蔥添!」
「咁內臟呢?」
「豬大腸嗰啲都會食!」
「咁魚眼呢?」
「唔食...」
「嗯...咁你都真係算唔偏食既..」
「要去到魚眼呢個位....會唔會去到太盡呢你,魚眼喎大佬,你問我食唔食雞冠丫笨!!」


2.12.09

「手受傷,要去醫院」

說起來就搞笑鳥
近日蘋果動新聞上腦
尤其那個「手受傷,要去醫院」
看了十多次依然喪笑不停
腦裡就不停loop著手受傷要去醫院,手受傷要去醫院
忍不住在facebook上的status打了這一句

「手受傷,要去醫院」

幾個鐘後,電話響起
「喂,你隻手做咩事呀??」
友人很緊張的問
頭兩秒都不明友人說什麼我的手
之後當然明白
隨之而來的便是大笑
(但我在靜如自修室的office喎!)
友人一聽到我的喪笑
便妖聲四起
「點呀,你係咪低能架?」
笑到氣咳如我
最後將真相道出
「我好健康,我無事,你上youtube打“要去醫院”就知我講咩喇」
「妖,好多人喺facebook上面問你有無事,仲叫你take care囉!!!」
「哇哈哈哈哈哈哈哈哈哈哈哈哈,好搞笑呀!!我好想笑呀!!哈哈哈哈哈哈哈!!」
「你己經笑梗喇….」

咁多位,真係好對唔治..
公司剛剛又block了facebook
未能即時澄清,引起誤會(共憤)
回家第一件事就是... 開facebook 把那條linkpost出來!



不論新聞本身還是這個誤會
我坐巴士的時候回想起來自己都忍不住笑鳥出來