22.3.12

亦有回憶值得笑著入眠



“考得唔係幾好,明明盡左力,但都考成咁”
“唔梗要啦,平時再睇多啲囉,用下其他方法温囉”
“除左盡左力都考得唔好之外,令我唔開心既係,我喺度諗,如果而家連呢個試我都考得唔好,咁將來你點呀?”
“我將來會點呀????”
”咁我講過要為咗你努力架嘛,咁遲啲會仲多野要考,但而家呢個都考得唔好...“



當有人會擔心連我自已都沒有想過的問題
我還在裝什麼


14.3.12

曾經。過客


看著看著
曾經上落多少次的電梯
戲中的曾經
的確只是曾經
一幕又一幕的過去

工作關係,今天走回舊公司附近
故意的走往同一條路線
想起那一個四目交投
忍著眼淚直奔公司
又想起呆坐巴士站
胡亂發脾氣

以為自已不會觸景傷情
原來都會感到唏噓

你好嗎?
你們都好嗎?

1.3.12

問題小組

同事間會互相問好多人性問題
每日都要諗好多人生交叉點

"兩個男人,一個唔係好有錢,性能力好強;另一個超有錢,但扯唔起。揀!“
”1。“
(其實真係諗都唔洗諗。)
”好,問題二。好窮,但性能力好強;有錢,但扯唔起。揀!“
“2。”
(呢個諗咗一諗。)

掉轉問
“好靚女,但性冷感;醜樣,但好X得。”
“身材一樣?”
一樣。”
“兩個都有錢?”
“一樣。”
“嗯,咁揀靚女啦。”
“吓!!性冷感喎!!掂都唔比你掂喎!!”
“咁我攪第二個得唔得?”
“唔得,只得一個。將人性向前迫進一步。”
“屌,你都係想迫我揀唔靚嗰件啫。”