欲言又止

其實有很多話想說
但不知為何一直提不勁將說話想法記下來
有許多文章打了一半又放棄
欲言又止




你看我
打了四句又停了下來

friday night

午飯時段
我媽來電
「喂，呀妹呀，你今晚返唔返黎食飯呀？」
「返呀」
「我無煲湯喎」
「哦，是但啦」
「咁好啦，幾點返到呀？八點o唔ok?」
「得呀，八點啦」

大約五時許
又是呀媽來電
「喂，呀妹呀，今日係咪星期五呀？？？」她很凝重的說
「係呀，做咩野事？？」
「今日真係星期五？？？？？？」
「係星期五呀，做咩啫？」
「星期五你竟然返屋企食飯？？？？？你老豆叫我問你係咪記錯左今日唔係星期五呀！」
「．．．．．！」

公主如我

****放工時段****

我說：「唔得喇，我真係好眼瞓，好想放工而家走呀」

十秒後

同事T打著喊露說:
「係啦，我都好眼瞓，係時候放工喇」

同事A接著說
「喂，你唔可以話眼瞓架喎，只有darcy公主先可以話眼瞓。」

聽到公主呢一句我己經狂笑起來
咩事呢大佬？？

以為他己經好爆
那知同事T加多句
「我都係跟我主人做事啫，主人做咩，我就跟佢做啲咩架喇」

哈哈哈，我真心鐘意我呢班同事！！

甜耶耶

**是晒命的**

男友:「星期日出唔出街呀？」
我:「唔得呀，我約左friend喇」
男友:「咁啱既，我啲friend都約左我嗰日喎！」
我:「咁你仲約我黎做咩呢請問？」
男友:「無呀，難得星期日同你一齊放假，如果你得既話咪同你出街唔同friend出囉！」

男朋友向來蠢蠢呆呆
甜言蜜語是零
但這次聽得我甜耶耶