魚眼和雞冠

同事在越南買了手信回來
有棷子糖、香蕉乾、大樹波羅乾等等
我拿著大樹波羅乾咬咬咬
問同事：喂，食唔食？
同事說：我麻麻鐘意大樹波羅陣味
然後就展開了偏食問題

「我真係咩都食，成條金魚咁」
「咁榴槤呢？」
「食！」
「by the way, 金魚只係唔知飽，但唔代表咩都食...
咁洋蔥呢？」
「食！」
「咁蔥呢？」
「食！要多蔥添！」
「咁內臟呢？」
「豬大腸嗰啲都會食！」
「咁魚眼呢？」
「唔食...」
「嗯...咁你都真係算唔偏食既..」
「要去到魚眼呢個位....會唔會去到太盡呢你，魚眼喎大佬，你問我食唔食雞冠丫笨！！」

「手受傷，要去醫院」

說起來就搞笑鳥
近日蘋果動新聞上腦
尤其那個「手受傷，要去醫院」
看了十多次依然喪笑不停
腦裡就不停loop著手受傷要去醫院，手受傷要去醫院
忍不住在facebook上的status打了這一句

「手受傷，要去醫院」

幾個鐘後，電話響起
「喂，你隻手做咩事呀??」
友人很緊張的問
頭兩秒都不明友人說什麼我的手
之後當然明白
隨之而來的便是大笑
(但我在靜如自修室的office喎！)
友人一聽到我的喪笑
便妖聲四起
「點呀，你係咪低能架？」
笑到氣咳如我
最後將真相道出
「我好健康，我無事，你上youtube打“要去醫院”就知我講咩喇」
「妖，好多人喺facebook上面問你有無事，仲叫你take care囉！！！」
「哇哈哈哈哈哈哈哈哈哈哈哈哈，好搞笑呀！！我好想笑呀！！哈哈哈哈哈哈哈！！」
「你己經笑梗喇….」

咁多位，真係好對唔治..
公司剛剛又block了facebook
未能即時澄清，引起誤會(共憤)
回家第一件事就是... 開facebook 把那條linkpost出來!



不論新聞本身還是這個誤會
我坐巴士的時候回想起來自己都忍不住笑鳥出來

蘋果動畫

相信報章行業己經開始低迷
人們看新聞很多都己經從網上看
不用錢，又方便
蘋果亦開始轉攻這方面發展
結果，又成功引起注意
老實說
他們真的好．很．勁
做一個3D動畫其實都蠻廢時
但新聞新聞，固然要新要快!
他們的動畫組真的很快手!!!很犀利啊!!!
而且每次都有新驚喜
好像前排有段新聞關於教師性騷擾小學生
其中一句是什麼強吻女學生
於是一個closeup大特寫模仿著教師的豬豬咀
還配合著白色檬檬鏡頭
！！！！
有天男友跟我說粉嶺泳池有屎
停頓了一會之後
他再說「唔知蘋果有無動畫呢?」
哇哈哈，忍唔住大笑
大家都上左腦了
但想不到台灣的動畫更爆
這個"要去醫院”真係笑到我甩嘴
犯人本身己經搞笑 ("逃到街口又摔倒"，哈哈哈)
動畫的配音動作做出來更加是畫龍點睛!

我是真心佩服黎智英的
姑且物論他的職業措守
又忘記一下什麼是新聞
但他的確是一個很利害的人
在他手中的每一件事都會搞得聲聲有色
蘋果日報早在短短幾年間己經可以做到暢銷報刊之一
還有旗下的雜誌呢
又於幾年前進軍台灣市場
一下子，又成功了
惟一失敗過的就是那個蘋果速銷
雖然嚴重虧損，郤引發起兩大超市減價速銷
影響力非凡
但我這個膚淺又沒有文筆的人還未有資格寫黎智英什麼呢

哲理

「星期天是不是一起吃飯嗎？」
「係啦，姨媽有點事，大家熱熱鬧鬧的吃頓飯吧」
「嗯...」
「那你的工作如何？」
「不好。早知oo，那我就oo好了」
「人生就是這樣子，總不能預計，這是橫生枝節，事情豈能盡人意？」

爸爸說的永遠都是哲理

他說的我一直都知道
只是這個時候說出來特別深刻

願 身邊的人安好，身體健康

這個星期

事情己經不再是取捨如否的問題
我再沒有決定權可言

這個星期每天都老早的起床
睡醒第一件事就是緊張的看電話
因為我在等，等它響
有點累人，有點折磨

開始的時候明明不在乎
到機會來了，又不想失去
我寧願從來都沒有擁有過

機會會被自己親手打破嗎？
要是失敗了
我怕會恨死自己
說到底，都是自己選擇的

取捨

跟好友在msn裡談及近來的煩事
朋友一語道破，她說

「可能是應得，但時間不對，你就要取捨」

嗯，也許是對的
總不能每件事都稱心滿意


我「你"取捨"呢個字用得唔錯，讚好。」
友「始終個人太有深度, 在用字上係好難掩飾到, 對不起」
我「diu」
(對著朋友，粗口是難免比較多)
友「我仲有好多呢d詞彙,你要唔要知」
我「哇!!!! 你巧叻叻呀!!!! 個"彙"字都識打, 比我的話, 我會"詞會"咁囉^_^」
友「你個人cheap」
我「diu, 你肯定打個"詞"字出黎, 然後喺彈出黎嗰個野到揀啦」
(再重申：對著朋友，粗口是難免比較多)
友「..好了解..」
友「要自己爭取!!又唔係真係溝仔唔駛矜持啦」
(好，咱們又返回topic了)
友「矜持這一個詞彙對你來說會不會太深呢」
(但轉眼又離題了)



咱們談話的內容
無論認真還是說笑
其實到頭來都是一樣的

「好諗煩」

有些時候做人真是很矛盾
究竟要樂觀面對
還是要抱著"沒希望沒失望"

這幾天被麻煩事影響
事件得不到解決
所有東西亂糟糟的
俗語說的「兩頭唔到岸」
會空歡喜一場嗎?
是不是不能兩全其美?
是貪心惹的禍嗎?
但這不是我應得的嗎?

唉
只能說一句
「好諗煩」