纏綿時候。

"你鐘唔鐘意我？“
”........."


"你鐘唔鐘意我？“
”........."


"你鐘唔鐘意我？“
”........."


然後答唔出
即係呃唔到人亦呃唔到自已

怕被迷魂。

對我咁好 大家都唔好。

被你喜歡過 就會覺得其他人沒有那麼喜歡我

知道你一定會寵壞我
知道你會令我倚賴你
知道你會不用我粗心不用我去思考
不知道最後結果會怎樣
但發生過都已經夠了

多謝你。

記下來

鐘意人地幫我剪指甲，因為我覺得個感覺好好
細個老豆幫我剪，大個左都仲記得喺垃圾桶隔離幫我剪指甲既情境
然後我叫你幫我剪，你一口就應承
“哇，仲剪得好過我自已呀！”
“梗係啦，我細心丫嘛”

“唔開燈呀！陣間啲野又會飛入黎！”
“唔開燈你點做野呀？”
“唔呀！！”
”唔洗驚喎，我會照顧你架嘛。“

多勞多得。

今個星期唔知咩事
一下子有5，6份freelance
仲要全部都勁趕
晚晚三四點先瞓
咁啱公司呢排又好L多野做
由返工做到OT無停過

不過我係好enjoy呢啲忙到嘔既生活
我相信多勞多得
加油呀，唔好衰呀！
兩間都係大野，要開好個頭呀!

我得既。

mess?

太簡單，還是太混亂？
以前成日話個fd係仆街仔，點知而家...
唔想咁，不過是但啦，好多野做唔想煩。

完。

相信

慶幸身邊有很多愛我的朋友
感激她們願意將大大小小的密秘都毫不保留的告訴我
雖然，我不希望這些事情會在你們任何一個身上發生
多謝你們愛我、相信我

但願每一個都可以開開心心，過去就由它過去




實情係！
有人迫我發左毒誓，如果講左出去...會成世無男人呀呀呀！！！
哇，玩到咁大！我堅R底！！

餓。

好似餓左十年咁
係咁食、係咁食、係咁食。

尋日
早餐食兩次
屋企食完碗麵，返到公司食多個包
飲杯咖啡食下朱古力又到lunch
然後啪左成個海南雞飯，係食晒，係茶餐廳的士佬人份量咁食晒呀仆街
一粒飯一舊雞都無淨
返到公司，又隊埋淨返既個盒朱古力
OT到九點幾，放工同同事食飯
今次係mos burger，又清晒
返到屋企見有湯，又飲左碗！

今日
依舊兩個早餐
繼續咖啡加朱古力
今日lunch好啲，只係食車仔麵
返到公司又係狂食糖
晚飯都OK，只係食左碗魚片頭米粉
但之後就仆街鳥
飯後買左牛油曲奇，一食就停唔到，食左十幾廿塊
恐佈到我都唔想諗落去喇
返到屋企呀媽煲左紅棗水，又飲左兩杯
都算喇，我仲要食埋隻蛋
仆街我明明食完碗米粉已經好飽！！
點解我仲要食曲奇同嗰隻紅棗蛋！！

仆街我係唔可以自暴自棄既！！

The greatest thing you'll ever learn Is just to love and be loved in return

learn how to love and be love
從前希望找一個愛自已的人
現在人大了，郤希望找一個我愛他更多的人
不知道我的人生中可否找到這一個他

難了

始終

在那個眼瞓得要死的星期一
一早起床趕著出門上班
混混沌沌的離開家門
一眼就見到你站在我家的lift口等著我
然後一手把我擁入懷
當時已經驚喜得什麼反應都不懂了
只把雙手掩著咀巴傻傻的望著你
我也不敢問你等了多久
吃著你給我的早餐
口衰衰的說著你個三文治好乾呀好乾呀
但心知你是對我好，對我好好
然而不是就是不是
對我好始終不會將我們拉近

只想記下你對我的好
不想忘記任何一個曾經對我好的人
然後，就是這樣。

don't take it for granted

那天我說過
“我驚我揾唔返一個好似你對我咁好既人呀…"
但原來，世事沒有絕對
有人對我好，是更好
好得令我受寵若驚
好得令我不知所措
然而我知道這一切將不會長久
don't take it for granted
這是我近來跟自已說的話
人家對你好從來不是必然

拒絕了又不肯放手
說清了又要堅持
太強硬我又做不到
所以我也亂了

娶我做老婆。

還未踏上的士，司機大佬已經精神奕奕咁講：早晨呀小姐！
“呀，早晨呀！唔該去XYZ丫!”
“好呀！去嗰到做野呀你？好靚女喎你！”
“哇哈哈哈哈，係呀係呀”
“真係架，你好靚女呀！可以去選港姐呀！我實提名你呀！！不過係矮左少少囉..."
"哈哈哈，真係識講野喇!！不過我唔得喇，我老喇”
“係咩？過唔過廿五呀？”
“過左啦啱啱..."
"哦，咁你老公係咪 呀咩黎架(american)呀?“
”下！！我個樣似結左婚咩！？“
”唔似，不過你靚女丫嘛，係矮左少少囉(again)，我有錢實娶你做老婆呀！“
”哈哈哈，司機你真係好口花。“
”而家香港地好少女仔好似你咁成日笑架喇！“
”哈哈哈哈，多謝晒喎！“

然後落車之後佢再問多我一次肯唔肯做佢老婆
哈哈哈哈，呀媽，你個女我要有要喇!
老實講呀司機大佬真係‘乙水’得我心花怒放
呢程的士搭得抵呀！

生日。快樂。

本來
我應該拿著親手做的蛋糕和包好的禮物等你放工一起回家去
現在
都過去了

祝你生日快樂，每天都快樂。

尋開心

掉轉左。

顧慮

如果我係十八廿二，我還會顧慮嗎？
一。定。唔。會。

但原來已經係廿六的我要再從新開始一段感情是如此的困難
近來的甜言蜜語可能已經是多於前男友兩年以來的總和
女人太鐘意聽
鐘意你告訴我如何想我如何愛我如何緊張我
然而面對這種強烈的一字一句
要我如何招架

咩係愛？
愛是條件
愛是分數

什麼童話故事愛情飲水飽通通都沒了
最後還會餘下什麼