娶我做老婆。

還未踏上的士，司機大佬已經精神奕奕咁講：早晨呀小姐！
“呀，早晨呀！唔該去XYZ丫!”
“好呀！去嗰到做野呀你？好靚女喎你！”
“哇哈哈哈哈，係呀係呀”
“真係架，你好靚女呀！可以去選港姐呀！我實提名你呀！！不過係矮左少少囉..."
"哈哈哈，真係識講野喇!！不過我唔得喇，我老喇”
“係咩？過唔過廿五呀？”
“過左啦啱啱..."
"哦，咁你老公係咪 呀咩黎架(american)呀?“
”下！！我個樣似結左婚咩！？“
”唔似，不過你靚女丫嘛，係矮左少少囉(again)，我有錢實娶你做老婆呀！“
”哈哈哈，司機你真係好口花。“
”而家香港地好少女仔好似你咁成日笑架喇！“
”哈哈哈哈，多謝晒喎！“

然後落車之後佢再問多我一次肯唔肯做佢老婆
哈哈哈哈，呀媽，你個女我要有要喇!
老實講呀司機大佬真係‘乙水’得我心花怒放
呢程的士搭得抵呀！