平民與太子

平民與太子
今天我活生生的上演了這一幕
我呢，真的柒上腦

放工時候跟公司太子同lift
親民的他自然會自動打開話題（是真心親民）
行貨話題總離不開”放工喇？咁夜既？”
再之後就是”係呢，你住邊頭呀？”

嗯，柒事從此起...
（我，為我自己；太，為太子爺）
我：大埔囉
太：哇，咁遠啊？
我：係呀，我嗰到仲要好入好入，好夾攝
太：你住嗰到叫咩呀？
我：ooo囉，你應該唔知喺邊架喇
(**ooo, cheapcheap屋苑)
太：我都有去過下咩超級城嗰啲
我：哦？點解既？
太：我女朋友都係住大埔架嘛！
我：係？？？大埔邊到呀？？？？？
(還要以超興奮的語氣問)

太：呀，嗰個咩...呀...
正當我想說”哈，連自己女朋友住邊都唔記得之滯...

太子就說：寶馬山
我：.......

如果有海的話
我會想都不想就跳下去
可惜，我在lift，一個只得四面牆的空間
隱約記得當中還有數人
但我柒到斷晒片，什麼都不知道

感覺就好像自己把很多屎在自己身上猛抺一樣
人家都己經支吾以對啦
我還要期待似的望著人家等答案!!

回家第一件事忍唔住跟老豆說
他也笑鳥出來...