唸唸碎

1. 倒數6日。我開始有少少唔捨得我啲同事同新老細。

2. 有啲擔心我handle唔到，唔想返一年工會老左十年。

3. 剪左個柒頭，好唔開心，想跳河。

4. 身邊既朋友知我分開左，大家都不約而同咁話介紹男仔比我識，主動話攪多啲聯誼活動比我，雖然最後你地班仆街都收晒皮，但我係好窩心的 :)

5. 前幾日同朋友食飯，佢講左一啲令我反思既野，“最緊要知自已想要啲咩，如果唔係一直亂黎是是但但，咁真係晒梗時間喇! 同埋知自已要咩先會愈揾愈好！” 一直諗佢同我講既呢返說話，結果當晚又失眠。

6. 我想拍拖，但更想係單身既呢段期間諗清自已想要咩，同埋好好咁去了解自已。

7. 遇到的，全部都唔係好適合。係囉，唔可以再是是但但。

8. 唔會再好似以前咁哭哭啼啼，再無晚晚揾朋友哭訴，唔會再無啦啦喊。雖然，見到啲相諗起一啲回憶，眼淚仍然會流出黎。

9. 其實我真係唔需要安慰。我最叻就係自已安慰自已，係囉，攪得掂。

10. 我都搞唔清係愛得唔夠，定係個人成熟左。

11. 今年，可唔可以唔好有生日？